Како се заштитенивашите средства?

Вашата сметка е поврзана со вашиот личен идентитет, а секоја уплата, повлекување или промена на податоците поминува низ строго дефинирани процедури и дополнителни проверки. Дополнително, вашите средства се чуваат кај независна депозитарна банка и се одвоени од средствата на Прајм Капитал АД Скопје. Тоа значи дека со нив не може да располага трето лице без соодветна идентификација и законски пропишани процедури.

Самиот фонд не може да банкротира. Фондовите Prime Momentum и Prime Balance се посебен имот, одвоен од друштвото за управување. Банкрот може да доживее само друштвото за управување, Прајм Капитал АД Скопје, и во тој случај вашите средства остануваат одвоени од неговиот имот. Од моментот кога ќе започнете да инвестирате, вашите средства се чуваат кај независна депозитарна банка и се правно одвоени од средствата на друштвото. Тоа значи дека вашите средства не се дел од имотот на друштвото за управување и не зависат од неговото работење. Постојат законски пропишани процедури за заштита на инвеститорите, а вашите средства остануваат ваши, дури и во случај друштвото да престане да работи. Оваа заштита не ве штити од пазарен ризик: вредноста на уделите може да расте и да паѓа.

Иако инвестициските фондови се наменети за долгорочно инвестирање, вашите средства не се недостапни доколку ви затребаат порано од очекуваното. Не постои однапред определен период во кој немате пристап до вашите средства, ниту пак сте обврзани да чекате одреден број години пред да можете да ги повлечете. Во секое време можете да поднесете барање за повлекување на дел или на целата вложена сума, без потреба да ни објаснувате зошто сте се одлучиле на тој чекор. Средствата се исплаќаат на вашата трансакциска сметка во просек за 1-3 дена, а најдоцна за 7, без излезна провизија.

Постапката е иста како и при делумно повлекување на средствата. Во секое време можете да побарате целосно повлекување на средствата и затворање на сметката во фондот. По поднесување на барањето, средствата ќе бидат исплатени на вашата трансакциска сметка во просек за 1-3 дена, а најдоцна за 7, без излезна провизија.

Падовите на пазарите се очекуван дел од долгорочното инвестирање. Пад на вредноста значи дека вашите удели во тој момент вредат помалку; загубата станува конечна ако ги продадете тогаш, а не е сигурно кога и дали вредноста ќе се врати. Дополнително, средствата во фондот не се вложени на едно место. Тие се распределени помеѓу повеќе компании, индустрии и пазари, со цел да не зависат од успешноста на една единствена инвестиција. Во вакви периоди наша задача е да останеме фокусирани на долгорочната стратегија и да ги носиме одлуките со вашите интереси на прво место.

Промените во раководството немаат влијание врз сопственоста и заштитата на вашите средства. Вашите средства се чуваат кај независна депозитарна банка и се правно одвоени од средствата на Prime Capital. Тоа значи дека нивната заштита не зависи од тоа кој во даден момент го води друштвото. Дополнително, работењето на фондот се одвива согласно важечката регулатива и под надзор на Комисијата за надзор на пазарот на капитал, а управувањето со фондот се заснова на јасно дефинирани процеси и долгорочна стратегија.

За секое дополнително прашање или дилема поврзана со инвестирањето или со нашиот фонд, нашиот тим со задоволство ви стои на располагање. Свесни сме дека инвестирањето е важна одлука и дека можеби ќе ви биде потребно повеќе време пред да го направите првиот чекор. Затоа, тука сме да ви помогнеме да ги добиете сите потребни информации и со поголема сигурност да одлучите дали нашиот фонд е вистинскиот избор за вас.